ڈالر دو سو پچپن روپے کا ہوگیا

مارکیٹ ذرائع کے مطابق کاروباری سرگرمیوں کے آغاز سے ہی امریکی ڈالر کی قیمت میں اضافے کا سلسلہ جاری رہا اور دن کےاختتام پر امریکی ڈالر چوبیس روپے چون پیسے کے اضافے سے دوسو پچپن روپے تینتالیس پیسے پر بند ہوا۔گزشتہ روز انٹر بینک میں ڈالر دو سو تیس روپے نواسی پیسے پر بند ہوا تھا، مارکیٹ ذرائع کے مطابق ڈالر بیچنے والے دو سو باون روپے تک مانگ رہے ہیں، بینک ریٹ پرلین دین نہیں ہو رہا، انٹر بینک میں ڈالر کے سودے دو سو چالیس روپے تک ہوئے جبکہ اوپن مارکیٹ میں ڈالر مہنگا ہوکر دوسو پچپن روپے کا ہے۔