بھارت میں دلہن شادی کی رسومات چھوڑ کر چلی گئی؟

میڈیا رپورٹس کے مطابق بھارتی ریاست اترپردیش کے شہر جھانسی کے ایک امتحانی مرکز میں تمام لوگ اس وقت حیران رہ گئے جب انہوں نے سجی سنوری دلہن کو آتے دیکھا۔ کرشنا راجپوت بیچلرآف آرٹس (بی اے) فائنل کی طالبہ ہیں اور ان کا سوشیالوجی کا پرچہ شادی والے دن تھا، کرشنا نے اپنے سوشیالوجی کے پرچے کے لئے شادی کی رسومات کو چھوڑا اور امتحان دینے اپنے متعلقہ امتحانی سنٹر پہنچ گئیں،دلہن کرشنا راجپوت کا کہنا تھا کہ میرے لیے امتحان بھی اتنا ہی اہم اور ضروری تھا جتنا کہ شادی۔ پرچہ دینے کے بعد میری رخصتی ہوگی ۔