وینس کی گرینڈ کینال کا پانی سبز ہو گیا

بین الاقوامی میڈیا کے مطابق وینس کے مئیر کا کہنا ہے کہ گرینڈ کینال کا پانی سبز ہونے کی اطلاع سب سے پہلے علاقہ مکینوں نے دی تھی۔ پولیس کو پانی کے سبز ہونے کے بارے میں تحقیقات کرنے کی درخواست کی ہے۔ ماحولیات کے ماہرین نے بھی پانی کے نمونے حاصل کرلیے ہیں اور انہیں جانچا جا رہا ہے۔ وینس کی ’ گرینڈ کینال ‘ کے سبز پانی کی ویڈیوز اور تصاویر سوشل میڈیا پر وائرل ہیں،وینس کی نہر دنیا بھر میں مشہور ہے اور ہرسال لاکھوں سیاح مختلف ملکوں سے اس نہر کی سیر کرنے آتے ہیں، غیرملکی میڈیا رپورٹس کےمطابق دنیا بھر کے سیاحوں کی پسندیدہ وینس کی ’گرینڈ کینال‘ کا پانی اچانک سبز ہونے کی تحقیقات شروع کردی گئی ہیں