موبائل مل گیا،لیکن ڈیم خالی ہوگیا

بھارتی میڈیا کے مطابق ریاست چھتیس گڑھ میں ڈیم کے قریب سیلفی لیتے وقت سرکاری ملازم راجیش وشواس کا قیمتی موبائل مقامی ڈیم میں گر گیا۔ ایک لاکھ روپے مالیت کے موبائل فون کی تلاش کے لیے غوطہ خور بھی کوشش کے باجود نہ ڈھونڈ سکے،جس کے بعد راجیش نے ایک انوکھی ترکیب لڑائی، راجیش نے تیس ہاؤس پاور کی موٹر لگا کر تین دن تک ڈیم سے پانی نکالتا رہا یہاں تک کہ ڈیم میں ذخیرہ آب میں صرف ایک فٹ سے بھی کم پانی رہ گیا، میڈیا رپورٹس کے مطابق سرکاری ملازم نے 21 لاکھ لیٹر پانی ضائع کرکے اپنا موبائل فون تو حاصل کرلیا اور اس کا عذر پیش کیا کہ موبائل فون میں اہم سرکاری ریکارڈ بھی تھا اور میں نے ڈیم خالی کرنے کے لئے زبانی اجازت حاصل کی تھی،تاہم محکمے نے سرکاری ملازم کے عذر کو قبول نہ کرتے ہوئے معطل کردیا۔