رواں مالی سال کی پہلی ششماہی،غیر ملکی سرمایہ کاری میں نمایاں کمی

اسٹیٹ بینک کے مطابق جولائی تا دسمبر دوہزار بائیس تک براہ راست غیر ملکی سرمایہ کاری کی مالیت چار سو اکسٹھ ملین ڈالر رہی، جو گزشتہ مالی سال کی اسی مدت میں ایک ارب چودہ کروڑ ستر لاکھ ڈالر تھی۔ دوسری طرف اسٹاک مارکیٹ سے چھ ماہ کے دوران بارہ اعشاریہ نو ملین ڈالر نکالے گئے جو گزشتہ سال کے اسی عرصے میں تین سو سات ملین ڈالر تھا۔ مجموعی طور پر غیر ملکی سرمایہ کاری میں پانچ سو باہتر ملین ڈالر کا انخلاء ہوا،گزشتہ مالی سال کی اسی مدت میں 709 ملین ڈالر کی سرمایہ کاری کا اضافہ دیکھا گیا تھا۔ اسٹیٹ بینک کے مطابق غیر ملکی سرمایہ کاری کا انخلاء حکومت کی جانب سے ایک ارب ڈالر بانڈز کی ادائیگی سے الگ ہے