پاکستان کو مشکل معاشی حالات کا سامنا،مہنگائی بلند ترین سطح پر ہے،عالمی بینک |
|
بدھ 11 جنوری 2023ء | |
عالمی بینک کی طرف سے جاری رپورٹ میں کہا گیا ہے یوکرین روس جنگ سمیت کئی وجوہات کے باعث عالمی معیشت کو سست روی کا سامنا ہے۔ رپورٹ میں پاکستان سے متعلق عالمی بینک کا کہنا ہے کہ سیلاب کے باعث موجودہ مالی سال پاکستان کی معاشی شرح نمو دو فیصد رہے گی،قبل ازیں عالمی بینک نے پاکستان کے لیے چار فیصد شرح نمو کا تخمینہ ظاہر کیا تھا۔ عالمی بینک کے مطابق حالیہ بدترین سیلاب اور سیاسی بے یقینی پاکستان کے مشکل معاشی حالات کی بڑی وجوہات ہیں، پاکستان کو بیرونی قرض کی ادائیگیوں کے شدید خطرات کا سامنا ہے، اسوقت پاکستان کو مشکل معاشی حالات کا سامنا ہے عالمی بینک کا کہنا ہے کہ دسمبر میں چوبیس اعشاریہ پانچ فیصد مہنگائی کی شرح پانچ دہائیوں کی بلند ترین سطح پر ہے، جبکہ پاکستان میں سیلاب کے باعث جی ڈی پی کو 4.8 فیصد مساوی نقصان پہنچا۔ جون سے دسمبر تک ڈالر کے مقابلے میں روپے کی قدر چودہ فیصد گر چکی ہے، موسمیاتی شدت خوراک اور ضروری اشیاء کی سپلائی کو متاثر کر سکتی ہے، انفرا اسٹرکچر اور زرعی پیداوار کو نقصان پہنچنے کا بھی خدشہ ہے ۔ |