آر ڈی اے نے مڈ سٹی کو غیر قانونی ہاؤسنگ سکیم قرار دے دیا،تشہیری مہم پر نوٹس جاری

تفصیلات کے مطابق مڈ سٹی کو غیر قانونی ہاؤسنگ قرار دینے اور تشہیری مہم پر ایپکس گروپ کو جاری نوٹس میں راولپنڈی ڈیویلپمنٹ اتھارٹی نے واضح کیا ہے کہ آر ڈی اے نےسپانسرز کو غیر قانونی ہاؤسنگ سکیم کی مارکیٹنگ اور پلاٹوں کی خرید و فروخت فوری طور پر روکنے کا حکم دیا ہے اورغیر قانونی ہاؤسنگ سکیموں کی تشہیر پنجاب ڈویلپمنٹ اتھارٹیز پرائیویٹ ہاؤسنگ سکیم رولز 2021 کے 46(1) کے تحت غیر قانونی ہے۔ سپانسر اتھارٹی کی پیشگی منظوری کے بغیر پرنٹ اور الیکٹرانک میڈیا پر پلاٹوں یا ہاؤسنگ یونٹس کی فروخت کی تشہیر نہیں کرسکتا۔آر ڈی اے سے پراجیکٹ این او سی ملنے تک اسے منظور شدہ یا قانونی منصوبہ قرار نہیں دیا جا سکتاغیر قانونی ہاؤسنگ سوسائٹیز سرمایہ کاری کرنے والے عام لوگوں کو دھوکہ دے سکتی ہیں واضح رہے کہ آرڈی نے پہلے ہی غیر قانونی سکیموں کے تمام مواد کو ہٹانے کی ہدایت کی ہے اور آر ڈی اے متعلقہ قانون کے تحت کمپنیوں کے خلاف قانونی کارروائی کرنے کا مجاز ہے ۔