سلمان خان کی نئی فلم ٹائیگر تھری کا ٹیزر جاری |
|
جمعرات 28 ستمبر 2023ء | |
ممبئی بالی ووڈ کے دبنگ ایکشن ہیرو سلمان خان کی فلم ٹائیگر تھری کا ٹیزر جاری کر دیا گیا ہے۔ ٹیزرمیں سلمان خان خوب ایکشن کرتے دکھائی دے رہے ہیں۔یہ فلم 2012 میں ریلیز ہونے والی سلمان خان کی فلم ’اک تھا ٹائیگر اور 2017 میں ریلیز ہونے والے سیکوئل ٹائیگر زندہ ہے کے بعد ٹائیگر سیریز کی تیسری فلم ہے۔اگر ٹیزر کی بات کی جائے تو اس میں سلمان خان عوام سے براہ براست مخاطب ہوتے دکھائی دیتے ہیں۔ٹیزر کے مطابق ٹائیگر پر غداری اور ملک دشمنی کا الزام لگ جاتا ہے جس کے بعد وہ انڈیا سے حب الوطنی کا سرٹیفیکیٹ مانگتے دکھائی دیتے ہیں۔ ٹائیگر تھری یش راج فلمز کے سپائی یونیورس کی کڑی کی فلم ہے جس کی مرکزی کاسٹ میں سلمان خان کے علاوہ کترینہ کیف اور عمران ہاشمی شامل ہیں،اس فلم کی ہدایتکاری منیش شرما نے کی ہے جبکہ اس کے پروڈیوسر وائی آر ایف کے مالک ادتیہ چوپڑا ہیں۔یہ فلم 10 نومبر کو دیوالی کے تہوار کے موقع پر انڈیا سمیت دنیا بھر میں نمائش کے لیے پیش کی جائے گی۔ |