راولپنڈی ٹیسٹ،انگلینڈ نے پاکستان کو شکست دے دی،سیریز میں ایک صفر کی برتری

راولپنڈی ٹیسٹ،انگلینڈ نے پاکستان کو ۷۴ رنز سے شکست دے دی،سیریز میں ایک صفر کی برتری حاصل کرلی تفصیلات کے مطابق ٹیسٹ میچ کے آخری دن انگلینڈ کے 343 رنزکے رنز کے تعاقب میں پاکستان ٹیم 268 رنزبناکرآؤٹ ہوگئی۔ کھیل کے پانچویں روز پاکستان نے دوسری اننگز 2 وکٹ کے نقصان پر 80 رنز سے شروع کی تو ابتدا میں ہی امام الحق 48 رنز بنا کر آؤٹ ہوگئے۔امام کے آؤٹ ہونے کے بعد محمد رضوان اور سعود شکیل نے انگلش بولرز کے خلاف مزاحمت کی اور 87 رنز کی شراکت قائم تاہم محمد رضوان 46 رنز بناکر پویلین لوٹ گئے سعود شکیل 76 رنز بناکر آؤٹ ہوئے، آغا سلمان 30 اور ریٹائرڈ ہرٹ ہونے والے اظہر علی 40 رنز بنا کر روبنسن کا شکار بنے۔ بعدازیں اینڈرسن نے زاہد محمود اور حارث رؤف کو آؤٹ کیا۔ جیک لیچ نے نسیم شاہ کو آؤٹ کرکے ٹیم کو فتح دلائی،22 سال بعد انگلش ٹیم نے پاکستان میں ٹیسٹ میچ میں کامیابی حاصل کی۔بائیس سال قبل کراچی میں انگلش ٹیم نے چھ وکٹ سے کامیابی حاصل کی تھی انگلش ٹیم کی جانب سے اینڈرسن اور رابنسن نے 4، 4 جبکہ لیچ اور بین اسٹوکس نے ایک ایک کھلاڑی کو آؤٹ کیا۔انگلینڈ کے اولی رابنسن عمدہ بولنگ پرمین آف دی میچ قرار پائے۔