قطر انٹرنیشنل جونیئر سکواش چیمپئن شپ ،دو پاکستانی کھلاڑی ناک آؤٹ مرحلے میں پہنچ گئے

قطر انٹرنیشنل جونیئر اسکواش چیمپئن شپ پاکستان کے دو کھلاڑی ناک آؤٹ مرحلے میں پہنچ گئے۔ میڈیا رپورٹس کے مطابق دوحا میں جاری قطر انٹرنیشنل جونیئر اسکواش چیمپئن شپ میں پاکستان کے 14 سالہ عبداللّٰہ زمان کوارٹر فائنل میں جبکہ ان کے چھوٹے بھائی 8 سالہ ریان زمان انڈر 11 کے سیمی فائنل مین پہنچ گئے۔ پری کوارٹر فائنل میں عبداللّٰہ زمان امریکی کھلاڑی اویک گھوش کو اسٹریٹ گیمز میں شکست دیکر کوارٹر فائنل میں پہنچے۔ ان کی کامیابی کا اسکور گیارہ آٹھ، گیارہ چھ اور گیارہ چھ رہا۔ دوسری جانب کوارٹر فائنل میں انڈر11 کیٹگری میں ریان زمان نے مصر کے پلیئر کو 1-3 گیمز سے شکست دی،ریان زمان کی کامیابی کا اسکور نو گیارہ، گیارہ چھ، گیارہ چھ اور گیارہ نو رہا۔ واضح رہے کہ دونوں بھائی سابق چیمپئن منصور زمان کے صاحبزادے ہیں۔