پی سی بی کی ڈائریکٹر میڈیا اینڈ کمیونیکشن عالیہ رشید مستعفی

پاکستان کرکٹ بورڈ کی ڈائریکٹر میڈیا اینڈ کمیونیکیشن عالیہ رشید نے عہدے سے استعفیٰ دے دیا۔ تفصیلات کے مطابق عالیہ رشید پی سی بی میں میڈیا ہیڈ کے طور پر کام کرنے والی پہلی خاتون ڈائریکٹر تھیں جنھوں نے گزشتہ سال عہدے کا چارج لیا تھا تاہم چند ماہ بعد ہی اپنے عہدے سے مسعفی ہوگئیں،فوری طور پر استعفیٰ دینے کی وجوہات معلوم نہیں ہوسکیں واضح رہے کہ گزشتہ سال اکتوبر میں پاکستان کرکٹ بورڈ (پی سی بی) نے سینئر اسپورٹس جرنلسٹ عالیہ رشید کو ڈائریکٹر میڈیا اینڈ کمیونیکیشن مقرر کیا تھا۔