!بھوکا ریچھ ساٹھ کیک ہڑپ کر گیا |
|
پیر 29 مئی 2023ء | |
امریکی میڈیا رپورٹس کے مطابق کنیکٹی کٹ کے ایوون قصبے میں ٹیسٹ بائے اسپیل باؤنڈ بیکری کے ملازمین ڈیلیوری کے لیے گیراج سے ایک وین میں کیک لوڈ کر رہے تھے کی اچانک ایک ریچھ سامنے آگیا،بیکری کی مالک میریم سٹیفنز کے مطابق انہوں نے گیراج سے اپنی ملازمہ مورین ولیمز کی چیخ کی آواز سنی۔ وہ چلا چلا کر کہہ رہی تھی کہ گیراج میں ایک ریچھ ہے، ریچھ کو وہاں سے بھگانے کی تمام کوششیں ناکام ہوئیں تو ملازمین اور بیکری کی مالک اندر کی طرف بھاگ گئیں۔ ریچھ گیراج میں رکھے کیک سے بھرے کنٹینر کو کھینچ کر پارکنگ میں لے گیا اور اس میں موجود تقریباً 60 کیک کھا گیا جبکہ بیکری کی مالک اور ملازمین دیکھتےرہ گئے، کنیکٹی کٹ کی ماحولیاتی ایجنسی کا کہنا ہے کہ ریاست میں تقریباً 1,000 سے 1,200 کے درمیان کالے ریچھ پائے جاتے ہیں۔ گزشتہ سال ریاست کے 158 شہروں اور قصبوں میں کالے ریچھ دیکھے گئے تھے۔ |