برطانیہ میں پناہ کی تلاش،دو سو بچے لاپتہ ہونے کا انکشاف |
|
منگل 24 جنوری 2023ء | |
غیر ملکی میڈیا کے مطابق برطانوی وزیر سائمن مرے نے کہا کہ لاپتہ ہونے والے تمام بچے ہوم آفس کے زیرانتظام ہوٹلوں میں رہائش پذیر تھے، لاپتا بچوں میں ایک لڑکی اور 16سال سے کم عمر 13 بچے بھی شامل ہیں، غیر ملکی میڈیا کا کہنا ہے کہ ہوم آفس کے وزیر سائمن مرے نے پیر کو ہاؤس آف لارڈز کو بچوں کے لاپتہ ہونے سے آگاہ کیا، دوسری طرف اتنی بڑی تعداد میں بچوں کے لاپتہ ہونے کے حوالے سے کافی تشویش پائی جا رہی ہے تاہم ابھی اس حوالے سے مزید تفصیلات سامنے نہیں آسکیں اور نہ ہی تحقیقات کے حوالے سے پیش رفت کا بتایا گیا ہے |