ایران اسرائیل کشیدگی،سلامتی کونسل کا ہنگامی اجلاس طلب |
|
| اتوار 14 اپریل 2024ء | |
 |
|
ایران کا اسرائیل پر حملہ اقوام متحدہ کی سلامتی کونسل کا ہنگامی اجلاس طلب کر لیا گیا میڈیا رپورٹس کے مطابق سلامتی کونسل کا ہنگامی اجلاس اسرائیل کی درخواست پر طلب کیا گیا ہے جو پاکستانی وقت کے مطابق رات 1 بجے ہو گا۔ اسرائیل کی جانب سے صدر سلامتی کونسل کو لکھے گئے خط میں کہا گیا ہے کہ ایران کا حملہ عالمی امن، سیکیورٹی کے لیے بڑا خطرہ ہے۔ دوسری جانب ایران نے بھی سلامتی کونسل کے نام لکھے گئے خط میں کہا ہے کہ اسرائیل کے خلاف ایران کا اقدام عالمی قوانین کے عین مطابق تھا۔ایران نے قونصل خانے پر حملے کا اسرائیل کو جواب دیدیا واضح رہے کہ ایران نے دمشق میں یکم اپریل کو ایرانی قونصل خانے پر اسرائیلی حملے کا جواب دیا ہے،ایران نے اسرائیل پر ڈرون اور کروز میزائلز سے حملے کیے ہیں، 50 فیصد اہداف کو نشانہ بنانے کا دعویٰ کیا ہے۔ اسرائیل کے مختلف علاقوں میں رات گئے سائرنز بج گئے، اسرائیل نے کئی ایرانی ڈرونز اور میزائل کو تباہ کرنے کا دعویٰ کیا ہے تاہم بعض میڈیا رپورٹس کے مطابق اسرائیل کو ان حملوں میں کسی حد تک نقصان اٹھانا پڑا ہے |
