متحدہ عرب امارات میں بارشوں کا سلسلہ،الرٹ جاری

متحدہ عرب امارات میں شدید بارشوں کا سلسلہ، حفاظتی الرٹ جاری کر دیا گیا ہے۔ بین الاقوامی میڈیا رپورٹس کے مطابق دبئی، ابوظبی، شارجہ، فجیرہ، عجمان اور راس الخیمہ میں گرج چمک کے ساتھ موسلا دھار بارش ہوئی،ابوظبی کے کئی علاقوں میں اولے بھی پڑے۔ تیز بارشوں کے بعدمحکمہ موسمیات نے مزید بارشوں کی پیش گوئی کے باعث خراب موسم اور حفاظتی الرٹ جاری کر دیا ہے۔حکام نے شہریوں کو غیر ضروری سفر سے بھی گریز کرنے کی ہدایت کی ہے۔