بحر ہند میں اسرائیلی بحری جہاز پر ایران نے ڈرون حملہ کیا،امریکہ کا الزام

امریکہ نے ایران پر بحر ہند کے بین الاقوامی پانی میں اسرائیلی بحری جہاز پر ڈرون حملے کا الزام عائد کردیا بین الاقوامی میڈیا رپورٹس کے مطابق امریکی محکمہ دفاع کے عہدیدار نے نام ظاہر نہ کرنے کے شرط پر غیرملکی خبر ایجنسی کو آگاہ کیا کہ اسرائیلی کاروباری شخصیت کے بحری جہاز کو مبینہ طور پر ایرانی ڈرون نے بحر ہند میں نشانہ بنایا ہے۔ امریکی عہدیدار کا کہنا تھا کہ بحری جہاز کو تکونی صورت والے شاہد 136 ڈرون کے ذریعے بین الاقوامی پانیوں میں نشانہ بنایا گیا، حملے میں بحری جہاز کو جزوی نقصان پہنچا تاہم جہاز کا عملہ محفوظ رہاہے عہدیدار نے مزید بتایا کہ امریکہ۔صورتحال کا بغور جائزہ لے رہا ہے تاہم انہوں نے ایسی کوئی بھی تفصیلات بتانے سے شیئر نہیں کیں جس سے پتہ چلتا کہ حملہ واقعی ایران نے کیا ہے۔ بین الاقومی میڈیا کا کہنا ہے کہ میرین ٹریفک ڈاٹ کام کے ڈیٹاسے حاصل معلومات کے مطابق دبئی کے جبلِ علی بندرگاہ سے روانگی کے وقت اسرائیلی بحری جہاز نے اپنا آٹومیٹک آئیڈنٹی فکیشن سسٹم (اے آئی ایس) بند کردیا تھا، بحری جہازوں کو سکیورٹی کے پیش نظر اپنا اے آئی ایس آن رکھنا ہوتا ہے تاہم جہاز کا عملہ جہاز کو نشانہ بنائے جانے کے خدشات کے پیش نظر اسے بند کر سکتا ہے۔ میڈیا کے مطابق قبل ازیں بحیرہ احمر میں یمن کے قریب سے گزرتے وقت بھی بحری جہاز نے اپنا اے آئی ایس بند کردیا تھا۔ یاد رہے کہ یہ بحری جہاز سنگاپور بیسڈ ایسٹرن پیسیفک شپنگ کمپنی ’سیمی‘ کی ملکیت ہے جس کا مالک ارب پتی اسرائیلی ایڈان آفر ہے۔ غیر ملکی میڈیا کا کہنا ہے کہ جہاز کی مالک کمپنی سیمی کی جانب سے حملے سے متعلق مؤقف معلوم کرنے کیلئے کیے گئے رابطوں کے باوجود معاملے پر کوئی جواب نہیں دیا گیا۔