رواں سال کا آخری چاند گرہن کل ہوگا

رواں سال کا آخری چاند گرہن کل ہوگا۔پاکستان میں بھی نظارہ کیا جاسکے گا محکمہ موسمیات کے مطابق رواں سال کا دوسرا اور آخری چاند گرہن 28 اکتوبر کو ہوگا، جزوی چاند گرہن کا نظارہ پاکستان میں بھی کیا جاسکے گا، چاندگرہن کا آغاز 28 اکتوبرکی رات 11بج کر 02 منٹ پر ہوگا۔ رپورٹ کے مطابق چاند گرہن رات 1 بج کر 14 منٹ پر اپنے عروج کو پہنچے گا جبکہ چاندگرہن کا اختتام 29 اکتوبر کی رات 3 بج کر 26 منٹ پر ہوگا۔ چاندگرہن پاکستان کے علاوہ ایشیا، یورپ، آسٹریلیا، امریکا، افریقا اور اٹلانٹک میں بھی دیکھا جا سکےگا۔