مودی سرکاراسلامی تاریخ مٹانے کے درپے،اورنگزیب عالمگیر کی تصویر لگانے پر نوجوان گرفتار |
|
پیر 12 جون 2023ء | |
میڈیا رپورٹس کے مطابق بھارتی ریاست مہاراشٹرا مسلم دشمنی میں پیش پیش ہے اور مودی سرکار اسلامی تاریخ کو مٹانے کےلئے تمام حربے استعمال کر ہی ہے،رپورٹس کے مطابق ممبئی میں مسلمان نوجوان کو اورنگزیب عالمگیر کی تصویر استعمال کرنے پر گرفتار کر لیا گیا ،20 سالہ محمد علی نے گزشتہ روز اورنگزیب عالمگیر کی تصویر کو واٹس ایپ سٹیٹس پر لگایا تھا جبکہ ہندو انتہا پسند تنظیم ساکل سماج کی طرف سے محمد علی کو سنگین نتائج کی دھمکیاں بھی دی گئی ہیں، جبکہ بھارتی پولیس بھی انتہا پسند ہندو تنظیم کے سامنے بے بس نظر آتی ہے اورڈر کے مارے نوجوان کے خلاف مقدمہ درج کر لیا ہے، مہاراشٹرا میں شیو سینا سے تعلق رکھنے والے اِک ناتھ شندے کے وزیر اعلیٰ بننے کے بعد مسلم مخالف جذبات میں شدیداضافہ ہواہے،فروری 2023میں بھی انتہا پسند ہندو حکومت نے اورنگ آباد اور عثمان آباد کا نام ہندوطرز پر تبدیل کر دیا تھا |