امریکہ نے بھارت میں مذہبی آزادی کی صورتحال پر تشویش کا اظہار کر دیا

امریکی محکمہ خارجہ نے مذہبی آزادی سےمتعلق سالانہ رپورٹ جاری کردی جس میں واضح کہا گیاہے کہ بھارت میں مسلم کمیونٹی کے خلاف ریاستی سطح پر اقدامات کیے گئے ہین اور مذہبی اقلیتوں کے خلاف قانون نافذ کرنے والے حکام نے تشدد کا راستہ اپنایا،رپورٹ کے مطابق سری نگر میں محرم کا جلوس نکالنے پر گرفتار یاں کی گئیں ۔ امریکی حکام کا کہنا ہے کہ بھارت میں مذہبی تشدد مسلسل جاری رہنے پر افسوس ہے ، انہوں نے مطالبہ کیا کہ بھارت مذہبی اقلیتوں کے خلاف بیان بازی میں ملوث افراد کے خلاف کارروائی کرے۔ واضح رہے کہ امریکی کمیشن نے مذہبی آزادی کی خلاف ورزیوں پر بھارت کو بلیک لسٹ کرنے کا مطالبہ کیا ہوا ہے۔