اٹارنی جنرل کی عدم تعیناتی،سپریم کورت کا اظہار برہمی

ٹمپرڈ گاڑی سے متعلق کیس کی سماعت کے دوران اٹارنی جنرل کی معاونت نہ ملنے پر جسٹس قاضی فائز عیسیٰ نے کہا ملک میں اس وقت اٹارنی جنرل کون ہے؟ ڈپٹی اٹارنی جنرل عدالت کو تسلی بخش جواب نہ دے سکے، جسٹس قاضی فائز عیسیٰ نے ڈپٹی اٹارنی جنرل کو مخاطب کرتے ہوئے کہا آپ ایسے کر رہے جیسے بہت مشکل آئینی سوال پوچھ لیا ہے، جسٹس فائز عیسیٰ نے ریمارکس دیے کہ حکومت اتنی نااہل ہے کہ ایک اٹارنی جنرل تک تعینات نہیں کر سکتی، کیا اٹارنی جنرل کی تعیناتی پر حکومت کسی سے بارگین کر رہی ہے؟ سپریم کورٹ کے ساڑھے پانچ ہزار وکیل ہیں حکومت کو ایک نہیں مل رہا، اٹارنی جنرل تعینات نہ کرکے حکومت آئین کی خلاف ورزی کر رہی ہے، سپریم کورٹ کے احکامات کی بھی پاسداری نہیں کی گئی، پیار سے کہہ رہے ہیں کہ اٹارنی جنرل تعینات کر دیں، ایڈیشنل اور ڈپٹی اٹارنی جنرل صرف اٹارنی جنرل سے ہدایات لینے کے پابند ہیں، اٹارنی جنرل کی ہدایات کے بغیر اور ڈپٹی اور ایڈیشنل اٹارنی جنرل کا پیش ہونا خلاف قانون ہے