زمینوں پر قبضے ختم ،مافیاز کراچی سے اپنا بستر گول کریں،گورنر سندھ کامران ٹیسوری

پاک چائنا فرینڈ شپ پارک کے افتتاح کے موقع پر میڈیا سے گفتگو کرتے ہوئے کامران ٹیسوری کا کہنا تھا کراچی کو گرین اینڈ کلین بنانے کےلئے کوشاں ہیں، پاک چائنا فرینڈ شپ پارک کا مقصد دونوں ممالک کے درمیان دوستی کو مزید مستحکم کرنا ہے۔گورنر سندھ کا کہنا تھا کہ کراچی کے لوگ تفریح سے محروم ہو چکے تھے، شہر میں جہاں زمینوں پر قبضے تھے سب ختم کیے جا رہے ہیں، الہٰ دین پارک واگزار کرا لیا گیا ہے، مافیاز کراچی سے اپنا بستر گول کر لیں۔ ایک سوال کے جواب میں گورنر سندھ کا کہنا تھا بلدیاتی انتخابات میں ٹرن آؤٹ انتہائی کم رہا، جس طرح شہریوں کو پولنگ کے لیے نکلنا تھا وہ نہیں نکلے، بطور گورنر میرا سیاست میں کوئی کام نہیں ہے، اس موقع پرچین کے قونصل جنرل کا کہنا تھا کہ پاکستان چین دوستی مثالی ہے، ہماری دوستی مضبوط سے مضبوط تر ہو رہی ہے