سپریم کورٹ نے کرک مندر جلانے والوں سے ریکوری روک دی

کرک تیری مندر کو نقصان پہنچانے سے متعلق ازخود نوٹس کیس کی سماعت سپریم کورٹ کے جسٹس اعجازالاحسن کی سربراہی میں دو رکنی بینچ نے کی،اقلیتی رہنما رمیش کمار نے سماعت کے دوران عدالت کو آگاہ کیا کہ کرک تیری مندر کی تعمیر مکمل ہو چکی ہے، جن لوگوں نے مندر کو نقصان پہنچایا تھا انہوں نے معافی مانگ لی ہے،علاقے میں ہندوؤں اور مسلمانوں میں اچھی ہم آہنگی ہے،صورتحال مکمل طور پر تبدیل ہوگئی ہے رمیش کمار کا کہنا تھا کہ عدالت کے حکم پر صوبائی حکومت نے مندر کو نقصان پہنچانے والوں سے کچھ ریکوریاں کی ہیں، عدالت مناسب سمجھے تو ریکوری کا سلسلسہ روک دیا جائے کیونکہ مندر کو نقصان پہنچانے والوں نے معافی مانگ لی ہے،عدالت نے اقلیتی رہنما رمیش کمار کی استدعا پر مندر نذر آتش کرنے والوں سے ریکوری روکنے کا حکم دے دیا