مسلم لیگ ن کے کون کون سے رہنماء صوبائی اسمبلی کی نشستوں سے دستبردار ہونگے ،نام سامنے آگئے

نامزد وزیر اعلیٰ پنجاب مریم نواز کے علاؤہ مسلم لیگ ن کی سنیئر قیادت کو قومی اسمبلی کی نشستیں رکھنے اور صوبائی کی نشستیں چھوڑنے ہدایات جاری کردی گئیں پارٹی ہدایات کے بعد شہباز شریف قصور اور لاہور کی صوبائی نشستیں جبکہ حمزہ شہباز لاہور کی صوبائی نشست چھوڑیں گے۔ سردارغلام عباس چکوال سے صوبائی نشست اور رانا تنویر شیخوپورہ کی صوبائی نشست سے دستبردار ہوں گے۔ سیکرٹری جنرل مسلم لیگ نواز احسن اقبال نارووال، اویس لغاری ڈیرہ غازی خان اور جام کمال لسبیلہ کی صوبائی نشست سے چھوڑیں گے واضح رہے کہ صوبائی نشستیں چھوڑنے والے تمام رہنماؤں نے قومی اسمبلی کی نشستوں پر بھی کامیابی حاصل کر رکھی ہے،جبکہ مریم نواز قومی اسمبلی کی نشست سے دستبردار ہونگی