عون چوہدری کی کامیابی کا نوٹیفیکشن واپس،الیکشن کمیشن نے نے اسلام آباد ہائیکورٹ کو آگاہ کردیا

ڈی جی لاء الیکشن کمیشن نے این اے ایک سو اٹھائیس سے عون چوہدری کی کامیابی کا نوٹفکیشن واپس لینے سے متعلق اسلام آباد ہائیکورٹ کو آگاہ کر دیا ۔ سلمان اکرم راجہ کی درخواست پر سماعت اسلام آباد ہائیکورٹ کے چیف جسٹس عامر فاروق نے کی دوران سماعت ڈی جی لاء الیکشن کمیشن نے عدالت کو آگاہ کیا کہ ہم 12 فروری کا این اے 128 میں عون چوہدری کی کامیابی کا نوٹیفکیشن واپس لے رہے ہیں،وکیل سلمان اکرم راجہ بولےکیا الیکشن کمیشن فارم 49 کو بھی واپس لے رہے ہیں ؟ عدالت نے ریمارکس دیےیہ باقی معاملات آپ الیکشن کمیشن جاکر کہیے،ڈی جی لاء الیکشن کمیشن نے بتایاسلمان اکرم راجہ کی کمیشن میں زیر التوا درخواست کو قانون کے مطابق سن کر فیصلہ کریں گے عدالت نے ڈی جی لا کے بیان کے بعد سلمان اکرم راجہ کی درخواست نمٹا دی ڈی جی لا الیکشن کمیشنُ بولےغلطی الیکشن کمیشن سے ہوئی اس وجہ سے نوٹیفکیشن واپس لے لیا ۔