عام انتخابات،پی ٹی اے نے انٹرنیٹ کی بندش کے حوالے سے خبریں مسترد کردیں |
|
بدھ 07 فروری 2024ء | |
پاکستان ٹیلی کمیونیکیشن اتھارٹی نے الیکشن کے دن انٹرنیٹ بند کرنے کے حوالے سے خبروں کو مسترد کردیا پی ٹی اے کی جانب سے جاری بیان کے مطابق انتخابات کے دن انٹرنیٹ کی سہولت صارفین کو میسر ہو گی۔ انٹرنیٹ بغیر کسی رکاوٹ کے کام کرے گا، واضح رہے کہ گزشتہ روز نگراں وزیرِ داخلہ گوہر اعجاز نے کہا تھا کہ سیکیورٹی حالات کے پیش نظر کسی ضلع یا صوبے کی درخواست آئی تو انٹرنیٹ سروس بند کرنے پر غور کیا جائے گا۔ یاد رہےپاکستان میں عام انتخابات کے لیے پولنگ کل ہو گی، ووٹرز قومی اور صوبائی اسمبلیوں کے 855 حلقوں میں امیدوار چنیں گے۔ملک بھر میں رجسٹرڈ ووٹرز کی تعداد 12 کروڑ 85 لاکھ 85 ہزار 760 ہے۔ ملک بھر میں 90 ہزار 675 پولنگ اسٹیشن قائم کیے گئے ہیں جبکہ 14 لاکھ 90 ہزار انتخابی عملہ ڈیوٹی دے گا |