بلاول بھٹو کی انتخابی اہلیت سپریم کورٹ میں چیلنج |
|
منگل 06 فروری 2024ء | |
بلاول بھٹو زرداری کی انتخابی اہلیت سپریم کورٹ میں چیلنج کردی گئی سپریم کورٹ میں شاہ محمد زمان نامی شہری نے بلاول بھٹو زرداری کیخلاف اپیل دائر کی، درخواست میں موقف اختیار کیا گیا ہے کہ بلاول بھٹو زرداری پاکستان پیپلزپارٹی کے چیئرمین ہیں جس کا انتخابی نشان تلوار ہے، بلاول بھٹو زرداری انتخابات میں پیپلزپارٹی پارلیمنٹیرینز کے ٹکٹ پر تیر کے نشان پر حصہ لے رہے ہیں،ایکٹ کے تحت کوئی شخص بیک وقت دو جماعتوں کا ممبر نہیں رہ سکتا، درخواست میں کہا گیا ہے کہ سندھ ہائی کورٹ نے قانون کا درست جائزہ نہیں لیا،سندھ ہائی کورٹ کا فیصلہ کالعدم قرار دیتے ہوئے بلاول بھٹو زرداری کو تیر کے نشان پر الیکشن لڑنے سے روکنے کی استدعا ہے۔ |