،فنڈز ختم،خیبرپختونخواہ میں ادویات کی قلت

خیبر پختونخواہ کے ہسپتالوں میں ادویات کی قلت شدت اختیار کرگئی ذرائع کے مطابق کے پی کے ہسپتالوں میں امیونوگلوبولینز، اینٹی ریبیز ویکسین اور ایمرجنسی ادویات شدید قلت ہے اور فنڈز کی عدم دستیابی کے باعث تاحال ادویات کی خریداری کےلئے کوئی آرڈر جاری نہیں کیا جا سکا ذرائع کا کہنا ہے کہ صوبے میں ادویات کی قلت دور کرنے کے لیے 9 ارب روپے فوری درکار ہیں، جن سے 2.67 ارب بقایاجات کی مد میں ادا ہونگے اور 6 ارب سے زائد کی خریداری کی جائے گی،ذرائع کے مطابق محکمۂ خزانہ نے 2022-23 میں 99 کروڑ 77 لاکھ روپے کا بجٹ دیا، 99 کروڑ 77 لاکھ روپے کے بجٹ سے ادویات کی قلت ختم نہیں ہو سکتی۔ ادھر ذرائع کا کہنا ہے کہ نگران صوبائی حکومت نے وفاقی حکومت سے فنڈز کی فراہمی کےلئے درخواست کی ہے،ذرائع کے مطابق جونہی فنڈز فراہم کئے جائیں گے اسکے بعد ادویات کی خریداری کےلئے آرڈر جاری کیا جائے گا