پاکستان کا فتح ٹو ویپن سسٹم کا کامیاب تجربہ |
|
بدھ 27 دسمبر 2023ء | |
پاکستان نے فتح 2 ویپن سسٹم کا کامیاب تجربہ کیا ہے، 400 کلو میٹر تک ہدف کو کامیابی سے نشانہ بنانے کی صلاحیت رکھتا ہے آئی ایس پی آر کی جانب سے جاری اعلامیے کے مطابق فتح 2 جدید ترین ایویونکس اور پرواز کی منفرد رفتار سے لیس میزائل ہے۔فتح 2 جدید ترین نیویگیشن سسٹم سے لیس میزائل ہے، ویپن سسٹم 400 کلو میٹر کی حد تک اہداف کو نشانہ بنانے کی صلاحیت رکھتا ہے۔ صدرِ مملکت ڈاکٹر عارف علوی اور نگراں وزیرِ اعظم انوارالحق کاکڑ نے کامیاب میزائل تجربے پر فوجیوں اور سائنسدانوں کو مبارک باد دی ہے۔ چیئرمین جوائنٹ چیفس آف اسٹاف کمیٹی جنرل ساحر شمشاد اور آرمی چیف جنرل عاصم منیر نے بھی کامیاب میزائل تجربے پر فوجیوں اور سائنسدانوں کو مبارک باد دی ہے |