آرمی چیف جنرل قمر جاوید باجوہ کا فوجی فاؤنڈیشن کا دورہ |
|
اتوار 27 نومبر 2022ء | |
آرمی چیف جنرل قمر جاوید باجوہ کا فوجی فاونڈیشن کی صحت عامہ کی سہولیات کا دورہ اور مختلف منصوبوں کا افتتاح، آرمی چیف نے صحت عامہ کیلئے فوجی فاونڈیشن کی کوششوں اور کردار کی تعریف،، آئی ایس پی آر کے مطابق آرمی چیف جنرل قمر جاوید باجوہ نے فوجی فاؤنڈیشن کی صحت عامہ کی تنصیبات کا دورہ کیا اور مختلف منصوبوں کا افتتاح کیا، آرمی چیف کو نئے تعمیر شدہ منصوبوں کے بارے میں بریف کیا گیا، جس میں مصنوعی اعضاء مرکز کی جدید ترین سہولت بھی شامل ہے، جہاں مصنوعی اعضاء لگانے کے امور نمٹائے جاتے ہیں،آرمی چیف کو فاؤنڈیشن یونیورسٹی نرسنگ کالج بارے بتایا گیا، جہاں 396 طلباء کو تدریس کی سہولت دستیاب ہے، آرمی چیف جنرل قمر جاوید باجوہ نے نئے تعمیر شدہ نیو ایسٹ رج اسپتال کا بھی دورہ کیا، جہاں پرائیویٹ مریضوں کیلئے 40 کلینک اور 146 بستروں کی سہولت موجود ہے، فوجی فاؤنڈیشن ملک بھر میں ہر سال 15 لاکھ سے زیادہ مریضوں کا علاج اور طبی سہولیات فراہم کرتی ہے، آرمی چیف نے فوجی فاؤنڈیشن کے امور کار اور کردار پر اطمینان کا اظہار کیا، فائونڈیشن سابق فوجیوں اور ان کے اہل خانہ کو ملازمت کے مواقع اور صحت کی مفت سہولیات فراہم کرنے میں اہم کردار ادا کر رہی ہے اور ملک بھر میں بڑی تعداد میں پرائیویٹ مریضوں کی دیکھ بھال بھی کرتی ہے، |