سابق چیئرمین پی ٹی آئی اور بشری بی بی عیر شرعی نکاح کا معاملہ،عدالت نے دلائل طلب کر لئے

اسلام آباد کی مقامی عدالت نے سابق چیئرمین پی ٹی آئی اور بشریٰ بی بی کیخلاف غیر شرعی نکاح کیس کے قابل سماعت ہونے سے متعلق دلائل طلب کرلیے ہیں۔ سینئر سول جج قدرت اللہ نے سابق چیئرمین پی ٹی آئی اور بشریٰ بی بی کیخلاف غیر شرعی نکاح کیس کی سماعت کی۔ دوران سماعت خاور مانیکا کے گھریلو ملازم محمد لطیف نے درخواست گزار وکیل رضوان عباسی کی موجودگی میں اپنا بیان قلمبند کروایا۔ عدالت نے کیس کے قابل سماعت ہونے یا نہ ہونے سے متعلق دلائل طلب کرتے ہوئے کیس کی سماعت آٹھ دسمبر تک ملتوی کردی۔ واضح رہے کہ اس سے قبل درخواست گزار خاور مانیکا، نکاح خواں مفتی سعید اور سابق چیئرمین پی ٹی آئی کے قریبی ساتھی عون چوہدری بطور گواہ اپنے بیانات قلمبند کروا چکے ہیں۔ جمعے کے روز درخواست گزار وکیل رضوان عباسی مقدمے کے قابل سماعت ہونے یا نہ ہونے پر اپنے دلائل دیں گے۔