اکبر ایس بابر کا سابق چیئرمین پی ٹی آئی کے نام ویڈیو پیغام،شفاف انٹرا پارٹی الیکشن نہ کرائے گئے تو مشکلات بڑھ سکتی ہیں |
|
پیر 04 دسمبر 2023ء | |
پاکستان تحریک انصاف کے بانی رکن اکبر ایس بابر کہتے ہیں پی ٹی آئی کو بلے کا نشان برقرار رکھنے کےلئے شفاف انٹرا پارٹی الیکشن کی ضرورت ہے ورنہ مشکلات میں اضافہ ہو جائے گا اسلام آباد سے سابق چیئرمین پی ٹی آئی عمران خان کے نام جاری ویڈیو پیغام میں اکبر ایس بابر کا کہنا تھا کہ پی ٹی آئی انٹرا پارٹی الیکشنز کے نام سے ڈرامے میں مصروف ہے،پارٹی انتخابات کیلئے ایک شفاف انٹرا پارٹی الیکشن کمیشن کی تشکیل کی ضرورت ہے جبکہ امیدواروں کو ووٹر لسٹ پارٹی آئین کے مطابق فراہم کی جائے اکبر ایس بابر کا کہنا تھا کہ ماضی میں بانی ممبران اور پارٹی کے دیگر رہنماؤں/کارکنان کو ووٹ کے بنیادی آئینی اور جمہوری حق سے محروم کیا گیا تھا جبکہ بوگس انٹرا پارٹی انتخابات نے پارٹی کے لیے مسائل کو بڑھا دیا ہےانہوں مطالبہ کیا کہ پی ٹی آئی کو پارٹی کے آئین کے مطابق چلایا جائے انہوں نے مزید کہا کہ اکبر ایس بابر اور سعید اللہ نیازی جیسے متعدد بانی ممبران الیکشن لڑنا چاہتے تھے لیکن پارٹی زمہ داران کی طرف سے اکبر ایس بابر کو نہ تو کاغذات نامزدگی فراہم کیے گئے اور نہ ہی ووٹر لسٹیں اور نہ ہی اکبر ایس بابر کو مرکزی سیکرٹریٹ کے دورے کے دوران پارٹی انتخابات میں حصہ لینے کے طریقہ کار کی وضاحت نہیں کی گئی |