بلاول بھٹو ملک کے کم عمر ترین وزیراعظم بنیں گے،آصف زرداری

سابق صدر آصف زرداری نے دعویٰ کیا ہے کہ بلاول پاکستان کے کم عمر ترین وزیرِ اعظم بنیں گے۔ کوئٹہ میں پیپلز پارٹی کے یومِ تاسیس کے موقع پر منعقدہ جلسے سے خطاب کرتے ہوئے آصف زرداری کا کہنا تھا کہ آج لوگ بلاول کو ان کی اپنی وجہ سے جانتے ہیں۔انکی اپنی شناخت ہے آصف زرداری کا کہنا تھا کہ آپ کا جذبہ دیکھ کر شعر یاد آ رہا ہے کہ زبانِ خلق کو نقارۂ خدا سمجھو۔ آصف علی زرداری کا کہنا تھا کہ بلوچستان کے دل پر زخم لگا ہوا ہے، اپنے دور حکومت میں اس پر کچھ مرہم رکھا تھا،بلوچستان میں موجود ہر چیز کسی اور کی نہیں عوام کی ہے۔ سابق صدر کا کہنا تھا کہ چاہے وہ گیس ہو یا پیٹرول یا کچھ اور سب بلوچستان کے عوام کا ہے