انسداد دہشتگردی مقدمات،چیئرمین پی ٹی آئی اور شاہ محمود قریشی کی درخواست ضمانت پر سماعت 28 نومبر تک ملتوی

انسداد دہشتگردی عدالت نے چیئرمین پی ٹی آئی کی تین اور شاہ محمود قریشی کی دو مقدمات میں ضمانت کی درخواستوں میں تفتیشی افسر کی عدم دستیابی کے باعث سماعت28 نومبر تک ملتوی کردی۔ جج ابوالحسنات ذوالقرنین کی عدالت میں سماعت کے دوران پی ٹی آئی وکلاء علی بخاری اور علی بخاری کے علاوہ دیگر پیش ہوئے، پراسیکیوٹر کی جانب سے دلائل کے لیے مہلت دینے کی استدعاکی گئی، جس پر خالد یوسف چوہدری ایڈووکیٹ نے کہاکہ گزشتہ سماعت پر عدالت نے آرڈر جاری کیا تھا،سٹیٹ آج دلائل دے گی پراسیکیوٹر نے کہاکہ مجھے تو پتہ ہی نہیں تھا کیسز کی سماعت جیل میں ہو رہی ہے،آٹھ آٹھ ماہ تو ان کی وجہ سے تاریخ پڑتی رہی ہے، خالد یوسف چوہدری ایڈووکیٹ نے کہاکہ عدالت نے گزشتہ سماعت پر آرڈر کیا تھا آج ہر حال میں فیصلہ ہو گا، پراسیکیوٹر نے کہاکہ یہ خود کہتے رہے ہیں اب ملزم کو بھی بلا لیں ان کی موجودگی میں بحث ہو جائے گی،عدالت اس کیس میں دلائل کے لئے ایک تاریخ دے دے ،آج تفتیشی افسر بھی چھٹی پر ہیں جج ابو الحسنات ذوالقرنین نے کہاکہ میں دیکھ لیتا ہوں ، جس کے بعد شاہ محمود قریشی کی دو ضمانت کی درخواستوں پر بھی سماعت کے دوران شاہ محمود قریشی کے وکیل علی بخاری نے کہاکہ ہماری دو درخواستیں ہیں، پہلے احکامات بھی ہوچکے،شریک ملزمان کی پہلے ہی ضمانت کنفرم ہوچکی ہیں،پراسیکیوشن کی وجہ سے ہم بھی برداشت کررہے ہیں،ہمارا کیس صرف آرڈر کی حد تک ہے جس پر عدالت نے کہاکہ ان کو بھی دیکھ لیتے ہیں،عدالت نے چیئرمین پی ٹی آئی اورشاہ محمود قریشی کی ضمانت درخواستوں پر سماعت28 نومبر تک کیلئے ملتوی کردی