مشرق وسطیٰ میں امن کی بحالی،چین نے تعاون کی پیشکش کردی |
|
پیر 20 نومبر 2023ء | |
مشرقِ وسطیٰ میں امن کی بحالی ،چین نے تعاون کی پیش کش کردی۔ اپنے ایک بیان میں چینی وزیر خارجہ کہنا تھا کہ چین مشرقِ وسطیٰ میں امن کی بحالی میں مدد کرنے کے لیے تیار ہے، غزہ کی صورتِ حال کو جلد سے جلد ٹھنڈا کرنے کے لیے مل کر کام کریں گے۔ چین کے وزیر خارجہ وانگ ای کا کہنا تھا کہ غزہ میں ایک بڑی انسانی تباہی سامنے آ رہی ہے جو پوری دنیاکو متاثر کرے گی۔ ان کا کہنا تھا کہ بین الاقوامی برادری کو غزہ میں انسانی تباہی کو روکنے کے لیے فوری اقدامات کرنے چاہیئں۔ دوسری جانب سعودی وزیرِ خارجہ کا کہنا ہے کہ اسرائیل کو روکنے کے لیے عالمی برادری کو کردار ادا کرنے کی ضرورت ہے یاد رہے کہ سعودی عرب، اردن، مصر، فلسطین، انڈونیشیا اور او آئی سی حکام چین کے دورے پر ہیں۔ |