میانوالی ایئربیس پر مارے گئے دہشتگردوں سے امریکی اسلحہ بر آمد

میانوالی ائیر بیس پر دہشتگردوں کے حملے میں غیر ملکی اسلحہ استعمال ہونے کے سنسنی خیز انکشافات منظر عام پر آگئے ذرائع کے مطابق میانوالی میں فضائیہ کے تربیتی ایئر بیس پر حملے میں مارے جانے والے دہشتگردوں سے غیر ملکی اسلحہ برآمد ہوا ہے،دہشت گردوں سے برآمد ہونے ہونے والا اسلحہ امریکی ساخت کا ہے،دہشتگردوں سے ملنے والے اسلحے میں RPG-7، AK-74، M-4 اور M-16/A4 شامل ہیں دوسری جانب دفاعی ماہرین کا کہنا ہے کہ افغان سرزمین پر امریکہ کے تیار کردہ ہتھیار کھلے عام فروخت ہو رہے ہیں اور دہشت گردوں تک انکی رسائی انتہائی آسان ہے،امریکی ساخت کے ہتھیار افغانستان میں وافر مقدار میں موجود ہیں جو دہشت گرد پاکستان کے خلاف استعمال کر رہے ہیں دفاعی ماہرین کا کہنا ہے کہ پاکستان کے خلاف غیر ملکی سرزمین کا استعمال اور امریکا کے افغانستان سے اِنحلا کے بعد دہشت گرد آزادانہ غیر مُلکی ہتھیاروں کا استعمال کرتے آ رہے ہیں، اس سے پہلے بھی ژوب کنٹونمنٹ حملے میں بھی امریکی ہتھیاروں اور سازو سامان کا استعمال ہوا تھا ،افغان انٹرم گورنمنٹ کو اپنی سرزمین کو دہشت گردوں کے استعمال سے روکنا ہوگا