عدالت نے چیئرمین پی ٹی آئی کو ٹیلیفون پربیٹوں سے بات کرنے کی اجازت دے دی

سیکرٹ ایکٹ عدالت اسلام آباد نے چیئرمین پی ٹی آئی کو بیٹوں سے ٹیلیفون پر بات کرنے کی اجازت دے دی۔ تفصیلات کے مطابق چیئرمین پی ٹی آئی نے وکیل عمیر نیازی، شیراز احمد کے ذریعے اپنے بیٹوں قاسم اور سلیمان سے ٹیلیفون پر بات کرنے کی درخواست خصوصی عدالت میں دائر کی۔ چیئرمین پی ٹی آئی کی طرف سے درخواست میں مؤقف اپنایا گیا کہ اپنے بیٹوں قاسم اور سلیمان سے ٹیلیفون یا واٹس ایپ پر بات کرنا چاہتا ہوں۔ سیکرٹ ایکٹ عدالت کے جج ابوالحسنات ذوالقرنین نے چیئرمین پی ٹی آئی کی درخواست منظور کر لی۔ جج ابوالحسنات نے سپرنٹنڈنٹ اٹک جیل کو چیئرمین پی ٹی آئی کی بیٹوں سے ٹیلیفون پر بات کرانے کے انتظامات کرنے کی ہدایات جاری کردیں