رحیم یار خان،آوارہ کتوں نے بارہ سالہ محسن کی جان لے لی |
|
| جمعه 25 اگست 2023ء | |
 |
|
رحیم یار خان میں آوارہ کتوں کے نے معصوم بچے کی جان لے لی تفصیلات کے مطابق افسوسناک واقعہ رحیم یار خان کے نواحی علاقے رکن پور میں پیش آیا۔ پولیس حکام کے مطابق 12 سالہ بچہ محسن گھر کا سامان لے کر جارہا تھا کہ راستے میں آموں کے باغ کے قریب بچے پر آوارہ کتوں نے حملہ کردیا جس سے محسن شدید زخمی ہوگیا۔ پولیس کے مطابق زخمی بچے کو مقامی پولیس اہلکاروں نے دیکھا اور اسے بے ہوشی کی حالت میں شیخ زید اسپتال منتقل کیا گیا تاہم زخموں کی تاب نہ لاتے ہوئے بچہ اسپتال میں دم توڑ گیا۔ ذرائع کے مطابق ضلع بھر میں آوارہ کتوں کی بہتات ہے جبکہ آوارہ کتوں کو تلف کرنے والی ٹیمیں منظر عام سے غائب ہیں۔ ضلعی انتظامیہ کی طرف سے بھی آوارہ کتوں ہے خاتمے کے حوالے سے کوئی حکمت عملی سامنے نہیں آئی ہے |
