الیکشن روڈ میپ،الیکشن کمیشن کا سیاسی جماعتوں کو اعتماد میں لینے کا فیصلہ |
|
بدھ 23 اگست 2023ء | |
الیکشن کمیشن نے الیکشن روڈ میپ کے حوالے سے سیاسی جماعتوں سے مشاورت کا آغاز کردیا، لکھے گئے خطوط میں ملاقاتوں کے ذریعے عام انتخابات کے انعقاد اور الیکشن شیڈول پر بات کی جائے گی الیکشن کمیشن نے چیئرمین پی ٹی آئی کو خط لکھ ڈالا جس کے مطابق انہیں 24 اگست کو دن 2 بجے مدعو کیا گیا ہے جبکہ مولانا فضل الرحمان کو 24 اگست شام تین بجے مدعو کرلیا۔ الیکشن کمیشن نے 25 اگست دن 11 بجے مسلم لیگ ن کو مدعو کرلیا جس کے مطابق صدر مسلم لیگ ن شہباز شریف کو خط ارسال کردیاگیا۔ پاکستان پیپلزپارٹی کو 29 اگست شام تین بجے مدعو کرلیاگیا جس کے لئے آصف علی زرداری کو بھی مراسلہ جاری کردیا گیا ہے۔ان ملاقاتوں اور مشاورت کے عمل میں حلقہ بندیاں، انتخابی فہرستوں سے متعلق بات چیت کی جائے گی جبکہ عام انتخابات کے انعقاد اور الیکشن شیڈول پر بھی مشاورت ہو گی |