چیئرمین پی ٹی آئی کو سزا دینے والے جج ہمایوں دلاور جوڈیشل کانفرنس میں شرکت کےلئے لندن روانہ |
|
اتوار 06 اگست 2023ء | |
چیئرمین پی ٹی آئی کو سزا سنانے والے ایڈیشنل سیشن جج اسلام ابادہمایوں دلاور جوڈیشل کانفرنس میں شرکت کے لیے انگلینڈ روانہ باخبرذرائع کے مطابق جج ہمایوں دلاور کی لندن ٹریننگ نامزدگی سے متعلق چار اگست کا خط سامنے آیا جس میں چیف جسٹس نے جج کی جوڈیشل کانفرنس میں شمولیت کے لیے نامزدگی کی۔ اسلام آباد ہائیکورٹ کے رجسٹرار نے چار اگست کو خط سیشن جج کو لکھاتھا خط کے متن کے مطابق جج فیضان حیدر کی جگہ ٹریننگ کے لیے جج ہمایوں دلاور کا نام شامل کرنے کا بتایا گیا، جج ہمایوں دلاور پانچ اگست سے 13 اگست لندن میں یونیورسٹی آف ہل میں ٹریننگ میں شامل ہوں گے، واضح ایڈیشنل سیشن جج ہمایوں دلاور نے گزشتہ روز چیئرمین پی ٹی آئی کو توشہ خانہ فوجداری کارروائی کیس میں تین سال قید اور ایک لاکھ روپے جرمانے کی سزا سنائی تھی۔ اسلام آباد اور پشاورسے ججز کی جوڈیشل کانفرنس شمولیت کا عمل دو ماہ سے جاری تھا اور کچھ ججز کو ویزہ نا ملنے پر نام تبدیل کرکے دوسرے ججز کو شامل کیا گیا، |