ممنوعہ فنڈنگ کیس،عمران کو اٹھائیس فروری کو عدالت پیش ہونے کا حکم

بینکنگ کورٹ اسلام آباد میں عمران خان اور دیگر کے خلاف فارن ایکسچینج ایکٹ کے تحت ممنوعہ فنڈنگ کیس کی سماعت ہوئی۔عمران خان کے وکیل نعیم پنجوتھہ بینکنگ کورٹ کی جج رخشندہ شاہین کی عدالت میں پیش ہوئے وکیل نعیم پنجوتھہ نےکہا کہ اسلام آبادہائی کورٹ نے فیصلہ دیا تھا کہ عمران خان اٹھائیس فروری کوبینکنگ کورٹ میں پیش ہوں۔عمران خان کی جانب سے اسلام آباد ہائی کورٹ کے فیصلےکی کاپی بھی بینکنگ کورٹ میں جمع کرادی گئی۔ عدالت نے اسلام آباد ہائی کورٹ کے فیصلےکی روشنی میں عمران خان کو اٹھائیس فروری کو پیش ہونے کا حکم دے دیا۔کیس کی سماعت اٹھائیس فروری تک ملتوی کردی گئی