شیخ رشید کو جوڈیشل ریمانڈ پر جیل بھجوانے کا حکم

تفصیلات کے مطابق سابق وفاقی وزیر شیخ رشید احمد کو دوروزہ جسمانی ریمانڈ پورے ہونے پر ڈسٹرکٹ کورٹ اسلام آباد کی عدالت میں پیش کیا گیا دوران سماعت عدالت نے تفتیشی افسر سے استفسار کیا کہ بتائیں دو دن میں کیا ہوا ہے، جس پر تفتیشی افسر نے بتایا کہ وائس میچنگ ٹیسٹ کروا یا گیا ہے، وائس میچنگ ٹیسٹ کا پراسز بڑا لمبا تھا،پیمرا سے ٹرانسکرپٹ نکلوایا ہے، ابھی فوٹو گرامیٹک ٹیسٹ کرانا ہے سابق وفاقی وزیر شیخ رشید نے عدالت سے استدعا کی کہ انہیں اسپتال بھیجا جائے پیروں اور ہاتھوں پرخون ہے ، میں ان سے بھیک نہیں مانگوں گا بس میری پٹیاں کرا دی جائیں ، مجھے کرسیوں سے باندھے رکھا، تین سے چھ بجے تک میرے ہاتھ پاؤں اور آنکھیں باندھے رکھی ، انہوں نے استدعا کی کہ انہیں رینجرز کی سکیورٹی چاہیے ، عدالتی حکم پر شیخ رشید کی ہتھکڑیاں کھولی گئیں عدالت نے وکلاٗ کے دلائل سننے کے بعد انہیں جیل بھجوانے کا حکم دیا۔جبکہ کراچی میں درج مقدمے میں سندھ پولیس کے حوالے کرنے کی استدعا بھی عدالت نے مسترد کر دی