پشاور دھماکہ،شہداٗ کی تعداد سو تک پہنچ گئی

تفصیلات کے مطابق گزشتہ روز پولیس لائنز میں ہونے والے خود کش دھماکے میں شہداٗ کی تعداد ایک سو تک پہنچ گئی ہے جبکہ ڈیڑھ سو سے زائد افراد زخمی ہوئے ہیں ریسکیو حکام کے مطابق دھماکے کے مقام پر ریسکیو آپریشن مکمل کرلیا گیا ہے اور چوبیس گھنٹوں کے دوران ہیوی مشینری کی مدد سے ملبے تلے افراد کو نکالا گیا ہے واضح رہے کہ گزشتہ روز پولیس لائنز کی مسجد میں نماز کے دوران خود کش حملہ آوور نے پہلی صف میں خود کو دھماکہ خیز مواد سے اڑالیا تھا جس سے مسجد کی چھت گر گئی تھی اور مسجد سے ملحقہ کینٹین مکمل منہدم ہوگئی تھی پولیس حکام کا کہنا ہے کہ دھماکے کےلئے بارہ کلو بارودی مواد استعمال کیا گیا،خود کش حملہ آوور کیسے مسجد تک پہنچا اس حوالے سے تحقیقات جاری ہیں