لاہور ہائیکورٹ راولپنڈی بنچ نے سابق وزیر شہریار آفریدی کی نظر بندی کالعدم قرار دے دی |
|
جمعرات 03 اگست 2023ء | |
جی ایچ کیو گیٹ حملہ کیس میں گرفتار شہریار آفریدی کی لاہور ہائیکورٹ راولپنڈی بنچ سے ایک ہفتہ قبل ضمانت منظور ہونے کے باوجودڈپٹی کمشنر راولپنڈی کی جانب سے جاری پندرہ روزہ نظر بندی احکامات کو عدالت عالیہ نے کالعدم قرار دیدیا سابق وفاقی وزیر شہر یار خان آفریدی کی جی ایچ کیو حملہ کیس میں گرفتاری کے بعد لاہور ہائی کورٹ راولپنڈی بنچ سے ضمانت کے باوجود ڈپٹی کمشنر کی جانب سے جاری پندرہ روز کے نظربندی احکامات کے خلاف دائر درخواست پر عدالت عالیہ نے حکم جاری کردیا عدالت عالیہ کے جسٹس انوار الحق پنوں نے درخواست پر سماعت کرتے ہوئے گزشتہ روز ڈپٹی کمشنر اور سی پی او کو طلب کرتے ہوئے تفصیلی رپورٹ طلب کی تھی جس پر ضلعی انتظامیہ واضح جواب نہ دے سکی تھی جس پر آج عدالت عالیہ نے شہر یار آفریدی کی جانب سے نظربندی احکامات کے خلاف دائر درخواست پر فیصلہ سناتے ہوئے ڈپٹی کمشنر راولپنڈی کے احکامات کالعدم قرار دے دیئے شہریار آفریدی کو ڈی سی راولپنڈی کے احکامات پر27 جولائی کو اڈیالہ جیل میں نظر بند کیا گیا تھا عدالت عالیہ نے شہریار آفریدی کے خلاف بہاولپور میں درج مقدمہ میں حفاظتی ضمانت کے حوالے سے دائر درخواست منظور کرتے ہوئے راولپنڈی سے گرفتار شہریار آفریدی کے بھائی فرخ آفریدی کی نظر بندی کو بھی کالعدم قرار دے دیا ہے |