امریکا نے تینتالیس چینی کمپنیاں ایکسپورٹ کنٹرول لسٹ میں شامل کر دیں |
|
منگل 13 جون 2023ء | |
میڈیا رپورٹس کے مطابق تینتالیس کمپنیوں کی سرگرمیوں سے امریکی قومی سلامتی کو لاحق خطرات کی وجہ سے ایکسپورٹ کنٹرول لسٹ میں شامل کیا گیاہے، لسٹ میں شامل کمپنیوں پر امریکی ایکسپورٹ حاصل کرنے پر مکمل پابندی عائد ہوگی۔ بین الاقوامی میڈیا کے مطابق 31 چینی کمپنیوں کو چینی فوج اور ہائپرسونک ہتھیاروں کے لیے امریکی اشیا حاصل کرنے پر ایکسپورٹ کنٹرول لسٹ میں شامل کیا گیا۔ شنگھائی ٹیکنالوجی کمپنی کو ہائپرسونک ریسرچ کو سپورٹ کرنے پر لسٹ میں شامل کیا جبکہ 9 چینی اور پاکستانی کمپنیوں کو پاکستان کے بیلسٹک میزائل پروگرام اور دیگر ہتھیاروں میں تعاون کرنے پر لسٹ میں رکھا گیا۔ رپورٹس کے مطابق 2 چینی کمپنیوں کو چین میں انسانی حقوق کی خلاف ورزیوں میں مدد دینے پر شامل کیا گیا۔ |