میران شاہ ،سیکیورٹی فورسز اور دہشتگردوں کے درمیان جھڑپ،تین دہشتگرد مارے گئے،تین سیکیورٹی اہلکار شہید

آئی ایس پی آر کے مطابق9 اور 10 جون کی رات شمالی وزیرستان کے علاقے میران شاہ میں سیکیورٹی فورسز اور دہشت گردوں کے درمیان جھڑپ ہوئی، اس موقع پر ہونے والے فائرنگ کے شدید تبادلے میں تین دہشت گرد مارے گئے جبکہ چار دہشت گرد زخمی ہوگئے، ہلاک دہشت گردوں سے اسلحہ اور گولہ بارود بھی برآمد کرلیا گیا، تاہم شدید فائرنگ کے تبادلے کے دوران لکی مروت کے 40 سالہ صوبیدار اصغر علی، لکی مروت سے 26 سالہ سپاہی نسیم خان اور ایبٹ آباد کے 22 سالہ سپاہی محمد زمان بہادری سے لڑتے ہوئے شہید ہوگئے، علاقے میں ممکنہ دہشت گردوں کے خاتمے کیلئے آپریشن بھی کیا گیا، ترجمان کے مطابق مسلح افواج دہشت گردی کی لعنت کو ختم کرنے کے لئے پرعزم ہیں اور بہادر سپاہیوں کی یہ قربانیاں ہمارے عزم کو مزید مضبوط کرتی ہیں،،