راول ڈیم میں زہریلے کیمیکل کےاستعمال سے مچھلیاں مارنے کا انکشاف،ایف آئی آر درج

تفصیلات کے مطابق راول ڈیم میں زہریلا کیمیکل ملا کر مچھلیوں اور آبی حیات کو مارنے کا انکشاف ہوا ہے اور اس حوالے سے راول ڈیم سے دو مشکوک افراد کو حراست میں لے لیا گیا ہے،ذرائع کا کہنا ہے کہ زہریلے کیمیکل کے استعمال سے مچھلیوں کو مارا جاتا ہے اور بعد ازیں مارکیٹ میں فروخت کیا جاتا ہے،جبکہ مچھلیوں کے علاوہ راول ڈیم میں موجود دیگر آبی حیات بھی زہریلے پانی کے باعث ہلاک ہو رہی ہے اور کئی پرندوں کو بھی ڈیم کے کنارے مردہ حالت میں پایا گیا ہے واضح رہے کہ راول ڈیم میں کرنٹ اور گرینیڈ کے ذریعے بھی مچھلیوں کو مارنے کے واقعات بھی سامنے آچکے ہیں،واقعے کا مقدمہ تھانہ سیکرٹریٹ میں درج کر لیا گیا ہے