مودی کا جی ٹوئنٹی ڈرامہ ناکام،کشمیریوں کا سخت ردعمل،مکمل شٹر ڈائون ہڑتال

مودی سرکار کی مقبوضہ کشمیر میں جی 20 اجلاس منعقد کرنے کی کوشش بری طرح ناکام ہو رہی ہیں ، کشمیریوں کی جانب سے جی 20 اجلاس کا مکمل بائیکاٹ اور سخت رد عمل سامنے آیا ہے ، جی 20 اجلاس مقبوضہ علاقے میں منعقد کروانے کے تناظر میں آل پارٹیز حریت کانفرنس کی جانب سے دی جانے والی کال پر کشمیر میں مکمل شٹر ڈاوٴن ہڑتال ہے ، پورے مقبوضہ کشمیر میں کرفیو کا سماں ہے ، مودی سرکار کی جانب سے مقبوضہ کشمیر میں غیر انسانی پابندیاں عائدہیں ، سری نگر میں ڈل جھیل کے کنارے تقریب کے ارد گرد بھارتی فوجیوں ، پیرا ملٹری فورسز، ایلیٹ نیشنل گارڈز اور میری کمانڈوز کی بھاری نفری تعینات ہے ، سری نگر کے مختلف علاقوں میں بھارتی فوج اور پولیس نے دوکانداروں کو طلب کر کے دوکانیں کھولنے کی ہدایت کی اور عمل نہ کرنے پر سخت نتائج کی دھمکیاں دیں ، بھارتی دھمکیوں کی پرواہ نہ کرتے ہوئے تاجروں نے گروپ 20 اجلاس منعقد کرنے کیخلاف مکمل شٹر ڈاوٴن کر کے اپنا احتجاج ریکارڈ کروایا،،