دہشتگردوں کا حملہ سیکیورٹی فورسز نے ناکام بنا دیا،پانچ دہشتگرد ہلاک

آئی ایس پی آر کے مطابق دہشت گردوں نے بلوچستان کے علاقے ہوشاب میں سیکیورٹی فورسز کی چوکی پر حملہ کرکے اندھادھند فائرنگ کی، سیکیورٹی فورسز نے حملہ کامیابی سے پسپا کردیا، جس کے بعد فرار ہونے والے دہشت گردوں کا تعاقب کرکے انہیں بلور کے قریبی پہاڑی سلسلے میں گھیر لیا گیا، فضائی نگرانی کے ذریعے فرار ہونے والے دہشت گردوں کا پتہ لگا کر محاصرہ کیا گیا، اس موقع پر دہشت گردوں اور سیکورٹی فورسز کے درمیان شدید فائرنگ کا تبادلہ ہوا، جھڑپ کے دوران پانچ دہشت گردوں مارے گئے، جبکہ اسلحہ اور گولہ بارود کا ذخیرہ بھی برآمد کر لیا گیا، ملحقہ علاقوں میں فرار ہونے والے چند دہشت گردوں کا سراغ لگانے کے لئے آپریشن جاری ہے، ترجمان کے مطابق سیکیورٹی فورسز قوم کے تعاون سے بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لئے پرعزم ہیں،،