مسلح افواج مادر وطن کے دفاع کےلئے ہر وقت تیار ہیں،آئی ایس پی آر |
|
جمعه 28 اپریل 2023ء | |
آئی ایس پی آرکے ترجمان کے مطابق حال ہی میں پاکستان آرمی کے پاس موجود بعض ہتھیاروں کے نظام کی صورتحال کے پیش نظر پاک فوج کی جنگی صلاحیت قابلیت کے بارے میں میڈیا میں مباحثے کئے گئے ، پاکستان کے لئے مستقبل کے خطرات کے بارے میں سابق آرمی چیف کے خیالات کو بنیاد بنا کر اس موضوع پر اظہار خیال کیا گیا ، سابق آرمی چیف نے ایک آف دی ریکارڈ انٹرایکٹو سیشن میں میڈیا کے نمائندوں کے ساتھ ان امور پر بات چیت کی ، جسے میڈیا میں سیاق و اسباق سے ہٹ کر پیش کیا گیا ، ترجمان نے واضح کیا کہ عوام کو یقین دلاتے ہیں کہ پاک فوج کو اپنی آپریشنل تیاریوں اور جنگی قابلیت پر فخر ہے ، اور پاک فوج ہر طرح کے چیلنجز سے نبردآزما ہونے کیلئے تیار ہے، پاکستان کی مسلح افواج نے ہمیشہ مادر وطن کے دفاع کے لئے اپنے ہتھیاروں، سازوسامان اور جنگی وسائل سے بھرپور انسانی وسائل کو ہمیشہ تیار رکھا ہے اور تیار رہے گی،، |