کے الیکٹرک نے مارچ کےلئے بجلی کے نرخوں میں چار روپے انچاس پیسے فی یونٹ اضافے کی درخواست کردی

ترجمان کے الیکٹرک کے مطابق کے الیکٹرک نے ایف سی اے میں چار روپے انچاس پیسے فی یونٹ اضافے کی درخواست دائر کردی ہے،مارچ 2023 میں سنٹرل پاوور پرچیزنگ ایجنسی سے خریدی گئی بجلی کی قیمت میں دسمبر 2022 کی نسبت 41 فیصد اضافہ ہوا، پی ایل ایل اور ایس ایس جی سی سے خریدی گئی آر ایل این جی کی قیمت باالترتیب 20 اور 14 فیصد بڑھ گئی، ترجمان کے مطابق فرنس آئل کی قیمت میں 10 فیصد کمی ریکارڈ کی گئی۔ واضح رہے کہ ایف سی اے کو نیپرا اور حکومت پاکستان کے طے شدہ قواعد و ضوابط کے تحت صارفین کو بلوں کے ذریعے منتقل کیا جاتا ہے، ایندھن کی قیمتوں میں کمی کا فائدہ بھی صارفین کو منتقل ہوتا ہے،ایف سی اے کا ہر ماہ جائزہ لینے کے بعد صارفین کے صرف ایک ماہ کے بلوں پر لاگو کیا جاتا ہے۔